कास्की – राष्ट्रिय स्वतन्त्र पार्टी (रास्वपा) कास्की क्षेत्र नं ३ की उम्मेदवार विना गुरुङले आगामी निर्वाचनलाई लक्षित गरी आफ्नो राजनीतिक र चुनावी गतिविधिलाई व्यापक बनाउनुभएको छ। अभियानअन्तर्गत उहाँले हालै पोखरा महानगरपालिका वडा नं ३ मा उत्साहपूर्ण घरदैलो तथा नगरवासीहरूसँग भेटघाट कार्यक्रम सम्पन्न गर्नुभएको छ।
पर्यटन नगरी पोखराको आर्थिक विकासलाई प्राथमिकतामा राख्दै उम्मेदवार गुरुङले लेकसाइडस्थित होटल म्याजेस्टीमा पर्यटन व्यवसायीहरूसँग विशेष अन्तरक्रिया समेत गर्नुभयो। कार्यक्रममा पर्यटन क्षेत्रका विद्यमान समस्या, चुनौती र प्रवर्द्धनका सम्भावनाबारे चर्चा गर्दै उहाँले भन्नुभयो, “पर्यटन पोखराको पहिचान र समृद्धिको मुख्य आधार भएकाले यसको विकास र प्रवर्द्धनका लागि सबै सरोकारवालासँग सहकार्य गर्दै अघि बढ्ने प्रतिबद्धता व्यक्त गर्दछु।”
त्यसैगरी, आगामी फागुन २१ गते हुने निर्वाचनका लागि रास्वपाले युवा र ‘जेन-जी’ (Gen-Z) स्वयंसेवकहरूको विशेष आह्वान गरेको छ। “युवा शक्ति परिवर्तनको आधार हो” भन्दै उम्मेदवार गुरुङले वडा तहको निर्वाचन तयारी र मतदानको दिनमा सक्रिय भूमिका निभाउन चाहने ऊर्जावान युवाहरूलाई डिजिटल माध्यमबाट दर्ता हुन आग्रह गर्नुभएको छ।
गुरुङको अभियानलाई वैदेशिक रोजगारीमा रहेका युवाहरूको पनि प्रत्यक्ष समर्थन जुटेको छ। साउदी अरबबाट फर्केर चुनावी अभियानमा जोडिनुभएका समर्थकलाई स्वागत गर्दै उहाँले “घण्टी क्रान्ति” मा युवाहरूको साथले परिवर्तन सम्भव भएको बताउनुभयो। हाल गुरुङ टोलीसहित स्थानीयस्तरमा पुगेर सुशासन, विकास र समृद्धिका लागि घण्टीमा मतदान गर्न अपिल गरिरहनुभएको छ।
तस्बिरहरू
